Աչքերի սև շրջանակների դեմ դիմակ. 168.am

Քրքումից պատրաստված դիմակն արագ և արդյունավետ վերացնում է աչքերի սև շրջանակներն ու վերադարձնում է աչքերի թարմ տեսքը: Այս դիմակի բաղադրատոմսը մեզ է հասել Հնդկաստանից, որտեղ քրքումն օգտագործվում է ոչ միայն կերակուրների մեջ, այլև՝ մաշկի խնամքի:

Քրքումը սպիտակեցնում է մաշկի գույնը: Բացի այդ, այս դիմակը պարունակում է սոդա, որը խթանում է արյան շրջանառությունը:

Դիմակի գործածումից հետո հնարավոր է թեթևակի կարմրություն նկատեք, սակայն մի անհանգստացեք, մեկ ժամ անց այդ ամենը կանցնի: Կհարթվեն կնճիռնեըր, կվերականգնվի մաշկի գույնը, կվերանան սև շրջանակները:

Ի՞նչ է անհրաժեշտ դիմակի համար

• 5 ճ/գ քրքում,
• 1 ճ/գ սոդա,
• մի քանի կաթիլ կիտրոնի հյութ:

Բոլոր բաղադրիչներից ստացեք խյուսանման զանգված: Եթե զգայուն մաշկ ունեք, ապա կիտրոնի հյութը փոխարինեք ջրով կամ հասարակ տոնիկով:

Ստացված դիմակը քսեք աչքերի սև շրջանակներին և թողեք 15 րոպե: Դիմակը մաքրեք սառը ջրով, խոնավեցնող քսուկ քսեք:

Այս դիմակն օգտագործեք 3 օրը մեկ անգամ: Կնկատեք, թե ինչպես են մանր կնճիռները հարթվել, մաշկի գույնը բացվել է, վերացել են պարկիկները:

Հարցեր, պատասխաններ, մեկնաբանություններ